Si ‘o core se n’addona

Si ‘o core se n’addona

Si ‘o core se n’addona

ca m’è lassato sule

‘nmiez’a nu mare ‘e guaie.

songo fregato e ‘o saie.

Tu faie ‘a guappa, alluche

pecchè vuo’ avé ragione

e allora c’aggia fa

si ‘e me nun te n’adduone ?

I’ tengo sittantanne,

ma tu quant’anne tiene ?

D’’o parrucchiere

i’ nun ce vaco maie.

Cu duie capille ‘ncapo…!

ma che ll’arrizzo a fa ?

sulo ‘o cuzzetto

me faccio pulizzà.

Ma che t’aspietto ‘a me,

ma che t’aspiette.

Te guarde dint’’a llu’uocchie

e ‘nn ’o capisco

tu che cervello frisco può tené ?

E nun si’ ‘a sola.

Me guarde attuorno

e songo ‘e stesse scene.

Te voglio bbene ancora

Comm’eremo guagliune

ma tu invece

c’aiesce ‘nfantasia nun vuo’ capì

e me rummane sule tu.

Si ‘o sape ‘o core è nu guaio

gruosso gruosso, nun pozzo

turnà arrete, comme faccio?

Comme a nu straccio

me staie arriducenno

e io pe chesto,

‘o saie ca sto murenno.

Si nun me cride

nun saccio c’aggia fa.

Pigliate ‘a libertà

ca vaie cercanno

e fa chello che vuò

tu che cervello frisco può tené ?

E nun si’ ‘a sola.

Me guarde attuorno

e songo ‘e stesse scene.

Te voglio bbene ancora

Comm’eremo guagliune

ma tu invece

c’aiesce ‘nfantasia nun vuo’ capì

e me rummane sule tu.

Si ‘o sape ‘o core è nu guaio

gruosso gruosso, nun pozzo

turnà arrete, comme faccio?

Comme a nu straccio

me staie arriducenno

e io pe chesto,

‘o saie ca sto murenno.

Si nun me cride

nun saccio c’aggia fa.

Pigliate ‘a libertà

ca vaie cercanno

e fa chello che vuò

d''a vita toia.

Songo vint’anne

ca m’’o vaie dicenno

e so’ vint’anne

ca te sto perdenno,

ma nun capisco

pecché staie ancora ccà.

Ostia Lido,  12.10.2009  ore 7,30

La poesia è inserita nella raccolta ‘E primma matina
Pubblicata in quella più ampia
dal titolo “Turnanno arreto “,
edita a Roma nel 2010