Che paraviso fosse

Che paraviso fosse

Si tu.. tu m’appripare nu juorno

ca ‘un  m’aggia piglià scuorno

‘e sta cu te,

pe ce guardà ‘nt’a ll’uocchie e ce capì

nun porto cchiù aucielle appriesse a me

si no me staie a chiedere pecchè ?

Che festa è ca ‘un te si arricurdata?

Vulesse na jurnata senza parlà ‘e guaie

oppure parlannano cuiete

senza cchiù nniente ‘e ddete,

senza penziere, comme a duie piccerille

ca fanno arille ariile

pe correre felice e priatielle

comme so’ sempe state

‘a quanno.. ‘a quanno … a quanno

ne so’ passate anne

comme a na centenara

e comme a na lanterna 'e na luceluce

ca dio te benerice

e te ne manna ‘e bbene

si ‘o sango dint’’e vvene scorre ancora.

Che t’aggia dì ? Ca io te voglio bbene

ca quanno stammo ‘nzieme so felice

amice ‘nnammurata che me ‘mporte

ca si chiurimmo ‘a porta è pe tranquillità

si ll’aucielle cantano e cchi n’’e vò caccià

Che paraviso fosse

senz’a nu colpe ‘e tosse ?

Gioacchino Ruocco

17.11.018   Ostia Lido

Inserita nella raccolta:

Nu juorno comme a n’ato…