Scrivo….

 

Scrivo e facci’ ammore c’’o penziero

sentenneme comme a nu furastiero

a stu paese

addò te veco ‘e vvote ca me guarde

sperenno pe nu vaso ca vuò ‘ a me.

 

Si nun fosse ca

me murzecasse ‘e mane

comme ddoie  cape ‘e pane

io te curresse appriesso,

comme me so’ prumiso,

appena se chiure stu cungresso

addò parleno e parleno

ma nun me pare overo

ca stanno a parlà ‘e nuie.

 

A essere sincero

diceno cose strane

difficele ’a capì.

ca lloro ‘o ssaie nun pensano

chello ca nuie  penzammo.

 

‘O juorno ca me fermo

te voglio fa na festa

pe fà ca tutt’’o munno vene

a te guardà.

Chella ca me resta ormaie si sulo tu…!

Te guardo da fenesta quanno passe

ca ‘e te m’arriva addore ‘e ciclamine

o addore d’’e penziere

ca te puorte appriesse.

Peccato ca io vaco sempe ‘e pressa!

Pure m’aggia fermà qualche matina

 

quanno sente l’addore

e ‘a porta ca tu sbatte.!

 

Scengo ‘e me mette appriesso

comme ‘a chella jatta ca canusce

ca muce muce

nun te lasse ‘e pede

fino a ca nun t’ammusce

e qualche cose ‘a lasce

‘ncopp’ a ‘o marciapiere.

 

Gioacchino Ruocco

Ostia Lido                   03.02.2021