Cu ‘a mano smerza di Gioacchino Ruocco

 Cu ‘a mano smerza…

 

Me so’ ridotto

proprio malamente.

Quanno esco ‘e casa

e stongo mmiez’a ggente

chi me ricunosce

se fa ‘a croce

cu ‘a mano smerza

e me tene mente

penza pe nu nu mumento

si songo overo chillo

ca isso s’arricorda.

‘E vvote

cu n’aria indisponente

sento ca diceno:

- Ma tu è visto a chillo,

me pare propriamente,

ma po’ se ferma

e ancora tene mente

senza se fa capace

ca songo proprio chillo

ch’isso penza

c’’o guarda indifferente.

 

Me so’ ridotto

proprio malamente

si chi me guarde

nun ce capisce niente.

Si songo o si nun sogno…

Chi add’avè

me s’arricorda sempe

é chi adda dà

ca ‘un s’arricorda mai

ca m’adda dà.

‘A che munno è munno

mmiez’a tanta ggente

c’è stato sempe,

comme ce stà ancora

‘o bbuono e ‘o malamente

ca ‘ncuorpo a isso ‘o sape

ca fà l’indifferente

pe nun s’accomodà

comme facc’io

ca quanno nun ‘e tengo

le dongo a quase sempe

‘e fiurelle

cu ‘ facci’ ‘e Ddio.

ca accussì simme

duie, tre , quatto

a farlo stu ricatto

pe campà.

ca ce adda dà pe forza.

Si Isso nun me paga

io che te pozzo dà. ?!

 

Gioacchino Ruocco

Ostia Lido        07.11.2020  h. 07.00