‘A frittata - Inserita nella raccolta “TIPI”

Fritta di Silvan

Nun me daie tregua

quanno vuò ‘a frittata.

Miettece  chesto,

miettece chest’ato, m’arracumanno.

Ll’ove sultanto

nun te vanno a genio.

Tu vuo’ ‘o spaghettiello ‘mbuttunato,

pircò a frittata

senza furmaggiello

tu nun t’’a mange.

T’arrange,

ma pare na criatura che fa ‘a zeza.

Si te piace

nun ne faie mistero.

Tu si sincera

almeno p’’a frittata cu quatt’ove.

‘A pasta ‘un ne parlamme.

‘A guarde comme ‘e ‘nfame.

Te va sempe ‘e travierzo,

eternamente.

Faie comme ‘e criature

ca vonno ‘e ccose molle,

ma quanno tiene ‘e vizie

‘a cirche cu ‘e cepolle

Ca quanno è fritta

te manna ‘nfantasia.

Comme quanno me guarde

e dice: - Vita mia,

ma nun te spicce maie

pe darme ‘o riesto.

Me manco justo ‘o soldo

pe fa nna lira e festa.

Gioacchino Ruocco

Ostia Lido     23/01/2014

Inserita nella raccolta “TIPI”

 

A la guerre comme a la guerre! - Pubblicata su “Il gusto dei Ricordi”

anc
Lungo la Senna avevo tanto da dirtihe se non riuscivo a capirti.

Una lingua la tua impastata di baci,

capace soltanto

di tenermi lontano dal Louvre, 

da tutti quei posti

dov’era impossibile starti a guardare,

amarti alla frenesia.

A la gare de Lyon piangesti,

non volevo lasciarti.

Tre mouchoirs

non bastarono a niente

anche se il tempo

prendeva altri impegni

per farci incontrare.

La salsa piccante

è rimasta soltanto il ricordo

del viaggio a Parigi.

Quando ti scrivo

torna indietro con tutti i ricordi.

Mon cœur est brisé.

A la guerre comme a la guerre!

Ormai sei dentro di me

un ricordo che ancora sospira.

Gioacchino Ruocco

Ostia Lido 23/01/2014

Pubblicata su “Il gusto dei Ricordi”

Il 23/01/2014

Non poche, anche se rare... - dalla raccolta "Giorno per giorno"

Tutte le volte che ci fermiamo a parlare

torniamo indietro

ai giorni della conoscenza

e ci troviamo ancora

al paradigma del verbo coniugato

come un amore immenso.

Mi accorgo allora

che non ha senso

anche negli equivoci del corpo e della mente.

Siamo rimasti uguali,

fermi a quel giorno

in cui ci ritrovammo, ma diversi.

Io perverso nella mia sincerità

e tu equivoca nella tua malia

che mi bruciò le viscere all’istante.

Senza voglia di perderci

abbiamo discusso

e litigato non so quanto.

Ormai ogni parola

ci porta a essere più tristi,

nel labirinto del diverbio armato.

Affianco affianco

sempre più diversi

con un’anima

che crede ed ha rimpianti

con un sincero affanno per la vita,

immodificabile, perversa.

Soltanto le parole

con l’inganno dei tanti sinonimi

l’hanno fatta diversa a volte

e a volte più amara,

ma non poche anche se rare le giornate

che ci hanno viste assieme

a sospirare per il nostro amore.

Gioacchino Ruocco

Ostia Lido, 22.02.014

Inserita nella raccolta “Giorno per giorno”

Don Ferdinando - Da Tipi - poesie napoletane di Gioacchino Ruocco

Don Ferdinando

tene ‘a faccia tosta

‘O ssape c’’o fa apposta

e ‘o continua a fa.

‘Ncuiete ‘e criature

e cchiù ‘e nu pate l’è prumise

na bella mazziata

si ‘o figlio torna a casa

cu ‘e llacreme ‘int’’a luocchie.

Ch’’e fa ?

E dice doie papocchie

ca songo figlie ‘e ‘ndrocchie

che ’e vò adderezzà.

Ma intanto ‘e guaglinciellè

c’’a scusa d’’o fastidio

l’hanno pigliato ‘e mira

e ‘o stanno a secutà.

Ma  chi adderizzo isso

ancora 'un s’è truvato

cu tutte ‘e schiribizzi

c‘’a ggente sta a passà.

‘E tipe comme a isso

sule ‘int’’e votta votta

le può dà qualche botta

pe nun ‘o fa parlà.

E sta facenno chesto

quase ‘a na vita sana.

Nun è c’allonga ‘e mane

ma tene ‘a lengua longa

e te fa ‘ncuità

cu chello ca te dice

quanno tu passe a llà.

Ostia Lido 4 aprile 2011 ore 20,00

Pubblicata il 3/06/2011  sul "Ruoccotribu.blogspot.com"

M’avesse piglià scuorno ? - Da Tipi - poesie napoletane di Gioacchino Ruocco

Sinceramente nun se po’ campà.

Nun se po’ fa ca io te vengo appriesso

e tu..tu me faie fa chello ca vuo’

e haie sempe ragione

qualunque cosa dice.

P’essere felice nun se po’ lassà stà

c’ognuno penza sulo ‘e fatte suie.

e a miezejuorno s’appripara e mangia

a faccia ‘e tutte chille

ca stanno a panza moscia.

Me fanno male ‘e cosce e t’accumpagno.

Nun tiene voglia e jammo c’’o sparagno,

ma quanno maie me tiene nu mumento

astrinto a te vicino,

azzicco a te, azzicco.

S’io te dico aspiette nu mumento

Te faie venì ‘o male e si scuntenta

Tutt’’a jurnata e pure chella appriesso

Tu vaie sempe ‘e pressa

Quanno io vaco ‘e chiano.

Qualunque cosa dico nun va bbuono,

nun ce sta verzo ca cu tte fa rima.

Meglio dimane oppure n’atu juorno

Io ‘o spreco ‘o tiempo,

m’avesse piglià scuorno ?

Gioacchino Ruocco

Ostia Lido          20/01/2014

Inserita nella raccolta “TIPI” 

A na cert'ora - Inserita nella raccolta: Suspire ‘e miezejuorno.

Ansel Kiefer : Le sette torri

A na cert’ora vaco a sentì ‘a messa

e me cunfessa e facci’ ‘a cummenione

pe me levà ‘ a cuollo sta confusione

ca nun me fa campà c’’a grazia ‘e Ddio.

Pe penitenza dico nu rusario,

ca Ddio m’’a manno bbona tutt’’e juorno,

c’’a quanno so’ rimasta sola sola

me pare ‘e stà ‘e vvote ‘int’’a n’inferno.

Si nun ce penzo io a tutte cose

nun tengo chi ce penzo. Già ‘a signora

d’’o piano ‘ e coppo me fa ‘a spesa

quanno tengo nu dulore ‘e capa.

‘A casa è grossa, ma cchiù peccerella

me sembrasse ‘e sta dint’a na caiola.

Quann’era viva mammema era na

cumpagnia, mò ogne tanto zieme

me porta ‘e gauie suoie e resta a pranzo.

Me parle de vicine, d’’o cane, ‘e pullicine

c’ancora se vo crescere

stanno mmiez’a campagna.

Ma quanno è ll’ora tarda

piglia e se ne và

e io che resto sola

pare n’eternità.

Fino a c’’a signurina

ch’è na vicina ‘e porta

nun sono ‘o campaniello

e fa cagnà ‘a sciorta.

Me conta tanta fatte

ca nun me pare overo

c’’o munno è ancora vivo

pure si è tarda sera.

E ride, parla sempe.

Tene sempe a che dicere

ca nun me pare overo

ca quanno me saluto

  

m’acchiappa doce ‘o suonno

mentre tutt’’o palazzo

pare che sé stutato

c’’o scuro d’’a nuttata.

Gioacchino Ruocco

Ostia lido       16/02/2013

Inserita nella raccolta: Suspire ‘e mizejuorno”

Pubblicata sabato 16 febbraio 2013 su Gente di Stabia

Me pare mill’anne…. - dalla raccolta “Poesie a ll’acqua ‘e rose.

Me pare mill’anne ca te sto appriesso,

ma tu comme si fusse ‘e gesso, guarde

e a guardà se fa sempe cchiù tarde

e ‘stu fatto resta sempe cchiù ‘o stesso.

Sto fermo nnanze a na porta addò

nisciuno me dice: - Vuie che vulite ?

Chi site ? che vuo’ ? Ma chi t’è mannato’

E io cchiù fesso sto ancora ‘mpalato.

Qualcuno m’ha ditto: - Ma chi t’’o fa fa ?

Cu tanta guaglione ca tiene appriesso

Proprio a chist’uosso te vaie attaccà ?

Si ancora guaglione. Lassala stà!

E allora che faccio ? Chieje ‘a libretta

E aspetto c’’o turno arrive da mme ?

E’ ammore o cunzuole ? E stu core

Po suffrì n’atu ppoco o ne more ?

Guagliò, ce vo’ tanta pacienza

pecchè ‘a fila è cchiù longa ‘e che cride.

O me siene o dimane t’’o vide

suffrenno e patenno. Che vuò ?.

A stu punto facennemo ‘e cunte

saglie e scenne ‘e scale ogne juorno.

Chi me guarda me fa sentì scuorno

ma l’ammore m’ha fatto mpazzi.

N’atu juorno e po’  ‘a pasta se coce!

Ma sottovoce accummence a capì

‘e parole ca diceno ll’ate

e cagnanno me trovo cuntento

miez’’a ggente ca ride e pazzea

e cu  niente è felice e me guarde

comme a chille ca fatte ritardo

e currenno è riuscito a saglì

'ncopp’’o tramme ca steve passanno

p’arreva puntuale ‘a stazione

ca stu posto è assaie cchiù bbuono

pe partì o restarte aspettà.

Gioacchino Ruocco

Ostia Lido             12/12/2013

Pubblicata su Gente di Stabia