37 PREMIO LE FONTANE di ROMA A Gioacchino Ruocco per AVVERBI, DIVERBI e Aentiment

Avverbi, diverbi e sentimenti in Libreria... Sprintbook di Ruocco Gioacchino

Doppo na chioppeta d’acqua

Doppo na chioppeta d’acqua

o n’ombra ‘e maletiempo

ll’aria s’è fatta triste

comme a nu monumento

ca tene sempe 'a stessa faccia

ma nun le ‘mporta niente

‘e che succede attuorno.

Quatt’aneme

dint’a na matina ‘e freve

n’aria sciacquata

ma p’’a farla breve

me pare scunfirata

pure si ogne prete

se fa nu pizzo a riso.

Si fosse ‘nnammurato

tirasse sta guagliona

cchiù vicina a me

pe le fa sentì

tutt’’o bbene ca le voglio.

Forse le piace ‘e perdere

n’atu ppoco ‘e tiempo

cchiù annante

addò pure nu sante

perde ‘a pacienza ‘e fa

chello c’adda fà

chi ‘o core s’è ‘mpignato.

Gioacchino Ruocco*
* Biografia in Pagine

05.06.019         Ostia Lido

Dalla vita non ho imparato ancora

Dalla vita non ho imparato ancora

che si muore in qualche modo.

Mancandoti il respiro,

mentre ti assopisci e ti rincresce

di non poter godere

il fresco della sera

dopo una giornata di sole cocente.

Si può morire anche senza far niente

guardando la gente che lo fa

da indifferenti;

senza patire l’anima di un dubbio,

un attimo che cerca di distrarti

dal niente che ti gira intorno.

Lo scorno è tanto

che a restare indifferenti

crea una meraviglia

che ti scompiglia le idee

da non capire dove stai,

se sei indifferente

a quello che ti dico

che amico non sei

come credi che io non lo sia per te

che con le tue parole

da tanto tempo

che mi giri intorno

con quell’accidenti

che non mi ha colto ancora.

Non sono di quelli che te lo manda  a dire.

Non è più tempo di rinnegare l’astio

che ci tiene lontano.

Tra le tue mani

farei una brutta fine

che non mi aspetto ancora.

Derelitto guardo l’ora,

ma mi guardo dal compenetrarmi in essa.

E’ tardi questa sera

per rovistare il passato

e credere di doverti chiedere perdono.

Gioacchino Ruocco*
* Biografia in Pagine

Ostia Lido           04.06.019

Premio FONTANE DI ROMA alla raccolta di poesie "AVVERBI, DIVERBI e SENTIMEMENTI di Gioacchino Ruocco

Premio Fontane di Roma a Ruocco Gioacchino per AVVERBI, DIVERBI e SENTIMENTI Ed Book sprint 2019Premio Fontane di Roma a Ruocco Gioacchino per AVVERBI, DIVERBI e SENTIMENTI

 Ed Book sprint 20

Te veco comme a n’ombra ca va attuorno

Te veco comme a n’ombra ca va attuorno

chiedenno l’elemosina a chi trova

‘ncopp’a via soia pe nu surriso.

Na vita ‘e noia ‘a ca è rimasta sola.

Manco ‘o cafè cchiù se fa ‘a matina.

‘E vvota ‘a vaco appriesso, ma ‘n ‘a trovo.

‘A perdo ogni tanto quann’’o sole

procura attuorno a essa n’ammuina

c’’a fanno tutte chille c''a canoscene.

Chi ‘a chiamma zia e chi signora mia,

chi ‘a fa qualche carezza e chi le piglia

‘a mano e ‘ncopp’a capa ‘a porta

pe na benerezione ca le chiede.

L’uocchie le rideno comme a na santa

e chi a nnanza a essa s’addenocchia

le vasa ‘a mamma e ‘a chiamma: - Mamma bella!

Quann’ero piccerella me dive

‘o latte dint’a na buttigliella,

o s’’a purtava ‘o pietto quanno disperata

chiagneva c’’o vico sano attuorno a essa

c'a uno a una e s’’a pigliava ìmbraccio.

Che bella faccia tene sta signora!

Me pare mamma ca mò sta ‘mparaviso

ormaie so tant’anne ca ‘n ‘a veco.

L’atriere Rafiluccio ‘o carrettiere

m’ha ditto ca cu essa ce ha parlato

proprio all’angulo d’’o vico

addò pur’io ormaie me so’ appustato.

Me guardo attuorno ma ‘un veco n’anema

e aspetto. Forse nun è chisto ‘o juorno.

O forse tene tant’ata cose ‘a fà.

Stennere ‘e panne d’’a culata fatta,

forse dà ‘o latte a chi mò sta chiagnenno

dint’a nu spurtone abbandunata

mentre ‘a cielo ‘a mamma st’arrivanno.

Meglio lassà fa Ddio e a chi ‘o pretenno.

Gioacchino Ruocco*
* Biografia in Pagine

Ostia Lido               27.05.2019

Voglio cagnà penziere!

Voglio cagnà penziere!

Voglio cagnà penziere!

Fino a iere,

chello c’aggio fatto fatto,

‘o sfratto ‘un è arevato,

ma manco niente

ce aggio guaragnato

ca te lamiemte ancora.

‘O mmio ‘o faccio sempe.

Nun so’ nu pataterno

comme vulisse tu,

ma ‘o pporto sempe a casa

addò staie pure tu e ‘o vire.

Me faccio niro niro

ma so ‘ onesto.

Nun ‘mpresto e nun ne voglio

sarraggio comme

‘o scoglio ‘e Ruvigliano

sulo e sempe mmiez’’o mare

ca nun le dà pace

ma 'un so’ capace ‘e chiagnere

pe niente.

M’acchiappo ‘o viento, ll’acqua

tutte ‘e tempeste ‘e mare

ma quanno ‘o tiempo è bbuono

e resto sulitario

me godo ‘a lenza ‘e sole

ca m’arriva

‘e pisce comme a chille ‘e maruchiare.

Meglio sta mmiez’’o mare

ca sulo nterra,

meglio aspettà ca viene, ca rituorne

ca sentì ‘o scuorno

ca me miette ‘nfaccia

cu chello ca t’accaccia,

manco ‘e tempesta ‘e mare.

A mmiez’’o mare

c’è ll’aria sapurita

e ‘o sale è sempe justo.

Nisciuno se lamento

‘O gusto è uno

chillo da brava ggente

ca vò campà cuiete.

Gioacchino Ruocco*

* Biografia in Pagine

Ostia Lido        26.05.019