Nun sento cchiù a patemo...

Nun sento cchiù a patemo

‘a quann’isso è muorto,

eppure me dicette:-

quanno so arrevato

te chiammo pe te dicere

chello c'aggio truvato.

Qualcosa è ghiuta storta

pecchè aprenno a porta

era isso a salutà

primmo c’’o giesu cristo

diceva che vuleva

a chi jeva cercanno.

Aggio campato anne

‘o piano rialzato

e ‘a ggente a chi bussava ?

Sempe a nuie

ch’eremo in prima fila.

Starà facenno a fila pure llà !

Mamme dicette

ch’essa quanno mureva

vuleva stà tranquilla

pe chesto ‘un prumettette

‘e darce nu signale.

T’o ddice ‘o pataterno

addò songo arrevata

si t’’o vò fa sapè

chello ch’è stato.

‘A te m’aspetto

qualche avemmaria

pe cunzularme morta

e no p’’a via

ca facevemo a ppere

fino a Trentuno,

Poggiomarino

pe dduje maccarune

dduje ciccille.

E dint’’a sporta aggio

truvato na fiurella soia.

Ancora bella comme

a l’Addulurata ca

sparpeta p’e figlie

e pe pariente

ca ‘un se so’ cumpurtate

comme ‘a sora e frate

senza le dà ‘a gioia

‘e turnà a casa propria

manco ‘a vigilia

‘e quanno se ne jette.

Gioacchino Ruocco

06.08.017      Ostia Lido

Inserita nella raccolta: Dimane