E’ tanto gruosso ‘o mare

E’ tanto gruosso ‘o mare

pure si è nu fuosso

rignuto d’acqua,

ch’’e vvote scenne

d’’e muntagne,

comme a nu sciummo, nu lagno,

nu rivulillo

ca ‘un te sparagno ‘o suio

comme ‘o chianto

‘e nu criaturo

ca nun trova ‘a mamma

quanno le lasci’ ‘a mano,

na lacremella ‘e luna

ca ‘nterra arriva

quanno se ‘ncanta

o soffre ‘e nustalgia

pe chello c’’a lasciato

‘a quanno è nata.

Però se nun ce stesso

addo io te purtasso

senza a n’onna ca sbatte,

senza a nu schizzo ‘nfaccia

quamm’isso piglia e se schiatta

‘nfronte a nu scoglio

e t’arravoglia ‘e chiacchere,

te conte tanta fatte

manco si facesse

sfratte tutt’’e juorne.

Si nun ce fosse state

chi sa che cammenate

pe ghjì a na parte a n’ata.

E ‘e pisce ?

Chi me capisce

sape chello ca io dico !

Quanno cu ‘a lenza mmano

aspiette ch’isso abbocca

e intanto, t’attocca o nun t’attaccoca,

te faie na fumosa

ca ‘e vvote cagne ‘e ccose

te porta ati penziere

e nun te siente cchiù

comme a nu furastiero

quanno tuorne a casa

e te truove 'mmiez''a ccose

ca ‘un è accattate tu.

Gioacchino Ruocco

Ostia Lido           27.02.019