Reddito di cittadinanza

REDDITO DI CITTADINANZA

Me sta venenno

già 'o male 'e panza.

Si nun m''e spengo 'o perde.

Allora

nu centesimo 'int'a sacca

io nun 'o pozzo avé ?

M''o spengo.

Ne faccio marmellate,

butteglio 'e pummarole,

vasette 'e mulignane

pe quanno è vieno.

Si piglio 'o terno,

me n'aggio fotte 'e chiste.

Peggio d''e cammurriste.

Si nun 'e spienne

e appienne

te truove senza piennele

pe vierne e ll'ati mise.

Però qualche cammisa nova,

nu cazunciello a moda.

Ormaie vesto Pugliano.

'A rrobba americana

c'arriva 'a chi s'addò.

Ormaie songo anne

ca int'a na sacca

truvaie nu magliuoccolo

ca me renfrescaie...

ca ce campaie n'anne.

Cu chiste

manco nu juorno

nuie farrimmo bene.

Te conte 'e pile 'nfacci' a uno a uno

Si un te faie a barba

addore d''e filusse

nun t''a fa chiù sentì.

E' mmeglio cumpari

Si stongo bbuono

me sbatte ll'ove,

me faccio 'o zampaglione...

Almeno tengo forza 

pe vattere 'o guaglione...

P''o cuntrastà nu poco

quanno vene a pretennere

n'ata vota 'o voto...

Gioacchino Ruocco

Ostia Lido   05.02.019