Essere pe essere…

Essere pe essere…

Si fosse chisto ‘o fatto

cchiù ‘mpurtante

nuie simmo a tantu tiempo

comme simmo.

‘E vvote nun parimme crestiane

pecché a Cristo

nun tutte quante credeno

però si ce accustammo a ll’ate

comme a mmarite,

comme a ‘nnammurate,

comme frate e sore,

comme pariente

cercammo e nun fa

ancora finta ‘e niente

pe ce cumpurtà

comme animale

ca penzeno a campà

tiranno nnanze n’ata jurnata

tanto dimane

po esse ‘o turno lloro.

Essere pe essere

pe ce penzà nu poco

pe senti qualcosa dint’’o core

ch’’e vvote

sento ‘o chianto dint’a ll’uocchie

e sti denocchie

ca si chiejeno penzannete,

uno luntano a n’ato

o sulo pe nu palmo

ca ce guardammo

e ‘un ce capimmo cchiù

o ce accustammo

sulo pe nu bisogno

pecchè se spacca ll’ogne,

pecchè me sento male,

c’aggi bisogno ‘e te

ca si carnale,

chella carnalità

ca ce fa bbene

e senza ‘un ce sapimmo stà.

Essere pe essere,

ma quanno ‘o viento tiro

ognuno a casa soia…

Po’ ce chiammammo

e ancora ce sentimmo

m’ancora nun capisco

qua’ essere nuie simmo..

Gioacchino Ruocco…

30.03.2020                Ostia Lido