Io t’aspettavo

Io t’aspettavo

Io t’aspettavo

dint’a chest’ombra

ca s’assentava sulo

quann’’o sole

scetannese

passava ‘a cà

‘e primma matina.

‘A dint’’o ciardino

arrevava

n’addore ‘e mandarino

o ‘e evere tagliate

misa a seccà.

Pruvavo a cuntà ‘e foglie

o jevo cercanno

dint’’o muro

‘o tiempo ‘e llate juorno.

Si ce restammo a casa

che restammo a f

si ‘e dete sogno ‘e stesse

da cuntà.

Chiuvesse almeno…

Facesse na nuttata ‘e male tiempo

io t’astrignisse a me

senza penziere

pe senti addore

sulo ‘e che si fatta.

Me so’ distratto

nun ce penzavo cchiù

ca fore ‘un se po’ ghjì

c’’o tiempo tene

na malatia strana

ca si t’’a piglia

primmo d’’o tiempo

te fa passa

brutte jurnate.

A freve ‘a tosse

chello ca t’è mbarato

pe nu ghjì a scola.

A chi ‘o ddice ca nun ce vuò Jì.

Me fanno male ‘e mmole

a rusecà nucelle.

Che tiempo sarràa chisto

‘a  rricurdà ?

Chello ca penzo

io t’’o sto scrvenno.

Ancora nun m’arrenno…

Primma voglio ferni chesta pòesia

e po’ te dico e ce sentì dimane

si ancora tiene ‘a voglia ‘e me sentì.

‘A vita pareva nu triato

mo nun ‘o saccio

chello c’aggia penzà

so ancora comme aiere

 ad aspettà che me succede

e allora scrivo pe sfrennesià

pe me mustrà allero

pe nun te ‘ntussecà.

Io t’aspettavo….

ma mò addò t’aspetto

ca ‘un se po’ asci d’’a casa ?

Gioacchino Ruocco

22.03.2020