Stongo perdenno tiempo…

Stongo perdenno tiempo

o stammo pazzianno?

‘O ssaie quant’anne tiene

e a me chille ca danno ?

Quanno le dico po’

l’anne ca te vengo

Ma nun po’ essere

stanno sempe a dì.

Io so cuntento

ma proprio tanto nò.

Ccchiù tiempo passa

e cchiù m’aggia sta attiento.

Cu tutte ‘e malatie ca ce stanno

mo ce vuleva

pure chesta pure.

Cammina mure muro.

Statte attiente. Lavate ‘e mmane

e nun t’appujà

‘ncopp’a ogne panchina.

Miettece ‘o fazzuletto e po’ t’assitte.

Ma comme a nu pennielle

cammino ancora deritto

si nun me vene ‘e vvote male ‘o fianco.

‘E che so stanco ancora nun ‘o saccio.

Me sento ‘e vvote comme a nu straccio

ca se sfina appena ‘o tuocco

però me salva ‘a faccia

ca tengo ancora tosta.

Si piglio na batosta me ne vaco

muglierema me fa:-Ma tu che dice ?

Ma che penziere ca te faie venì !

Guardete dint’’o specchio comme si.

Tenimmo ll’anne e pure qualche acciacche

ma staie sempe a fa na jacuevella…

Quanto si bella, quanto si carnale ….

Ma leggete ‘o giornale ch’è assaje meglio.

Te voglio bbene, ma quanno me scucce

te dico ca si tuoste cchiù ‘ e nu ciuccio…

Ce manco poco ca stracce ‘e llenzole

p’’a foia ca te siente e ca nun muolle.

Quant’anne può tenè ?

Chille ca tengo pur’io

Si nun so’ tante

so quase cchiù ‘e sittante…

Gioacchino Ruocco

Ostia Lido               28.04.2020

La dedico a tutti quelli che mi leggeranno...
e a Cristina, Cuncettina, Delfina, Michelina
e a tutti quei maschietti mollaccioni
che si lamentano
per fargli dimenticare gli acciacchi,
per non sentirsi mai fiacchi, ma sempre
propositivi...