‘E lacreme ‘e rusata..

Quanno me sose

e me sose ambresse

me mette a scrivere

c''a necessità

ancora ‘e ritruvà

‘e suonne fatte

addò comme ‘a rusata*

io m’aggio ‘ntiso ‘ncuollo

a refriscarme l’anema

ca gira tuorno tuorno

pe ritruvà ‘a fascena*

ch’evo misa ‘o pizzo.

Chi è passato a ccà
‘a casa

forse teneva

qualche necessità

forte cchiù da mia

e io ce ‘a benedica

ca po’ dimane torna

cu n’atu sentimento.

M’’o sento

ca ‘o munno

accussì va

si no a tantu tiempo

ce stessemo a scannà.

‘O tradimento è facile

si ‘o tiempo nun t’’o dà

n’atu canzo

pe fa ca ll’allianza

se fa sempe cchiù forte

e fore ‘a porta

truove ‘o bbene ‘e ddio

na vota ‘e parta toia

na vota ‘e parta mia

o meglio a chi ‘a fa primma

cu tanta sentimento.

Gioacchino Ruocco

Ostia Lido  13.06.2020  h. 7,30           

*Rugiada
Fascina