‘O rebbeto ca tengo

‘O rebbeto ca tengo

m’’o levo sulo quanno

tu me ridaie 

fino a ll’urdemo suspiro

ca t’è piglaito a me

tutte chist’anne

c’hammo passato assieme.

Io n’aggi fatto tante ‘e fessaria

fino a che so partuto 

pe nun te vedè cchiù.

Ma ‘o stesse arriveno

lettere e cartuline.

Nun saccio chi t’è ditto 

io addò stongo.

Dimane cagno ancora.

Te sento comme a debbete

e ce sto io a rimettere

ca vaco fuienno

‘a quanno te lasciae.

Meglio passà nu guaio

me diciste,

meglio nun te vede

e me chiuriste ‘a porta ‘nfaccia

e mò si tu ca cirche a me

ca si te penzo ancora

nun vede ll’ora ‘e te scurdà

ca ‘un ce sta niente ‘a fà.

Voglio campà tranquillo,

sulo pe fatte mio

e prego a Ddio

e nun te sentì cchiù
almeno nu tantillo.

Gioacchino Ruocco

Ostia Lido 15/06/2020