E vvote basta poco..

Dint’a nu ciardino

muorto ‘e suonno

se sceteno ‘e viole

a una a una.

Nu raggio ‘e sole,

ca forse s’è sperduto,

appicci’ ‘o cielo

ca pare pe stu core

n’ombra ‘e felicità.

Dice ca basta poco

p’appiccià ‘’o munno

e ‘n ‘o fa piccià.

A ‘o core serve appena,

nu sciuscio ‘e ammore,

na zenniata  ca ‘un se fa

scurdà pe tutt’’a vita.

Vide stu ciardeniello ?

Era muorto.

Cagnanno ‘o tiempo

sta facenne festa

comme faie tu

fore a sta fenesta

ca staie smeccianno

mo chi passa.

E aspiette a uno,

ca pare sempe ‘o stesso,

e ll’uocchie tuie

‘o correno gà appriesso.

Si chiove doppo ‘a nuvola

ce penzarranno’e fruvele

cu na passate ‘ncielo

purtannese tutt’’a malincunia

‘e chi nun tene niente

e manco ll’uocchie trovano

na lacrema pe chiagnere

dint’’e ricorde d’’o passato.

‘E vvote basta poco

p’appiccià ‘o munno,

pe turnà a galla

quanno si ghiuto a funno.

Gioacchino Ruocco       

Ostia Lido 21/11/016