Figliema..

G. Ruocco  "Mia figlia" - matita   -  17.09.1983

Figliema..

Figlema teneva sidice anne

quanno me dicette:- Papà,

tu ti è cunvincere

ca ‘un so’ cchiù gaugliona

e ‘o core mio accummencio

a me fa cantà canzone

c’attuorno canteno

e sceteno passione

ca primme me parevano

sultanto fantasie.

Ce sta qualche guaglione

ca me fa ‘a posta e appena

esco d’’o purtone

se mette appriesso

pe dirme qualche cosa

appena l’occasione

se presenta.

Ho guardo, ‘o tengo a mmente

m’appeno ‘o perde

me sento cchiù tranquilla.

Forse nun è ancora ‘o tipo mio.

Che l’aggia dì si io

a quinniciannne

perdette ‘a capa

pe na biundulella ?

Me scemunettene.

duie uocchie comme ‘e stelle

c’’a m’arricordo ancora,

ma ammore piccerillo

passa appriesso.

Che l’aggia dì ca me spusaje ‘a mamma

doppo c’’a vedette meza vota

e avevo fatto chiagnere

facenno ‘o farenella

cchiù ‘e ‘na guaglione

c’ancora ogge

pe loro so nu ‘nfame,

uno ca tene cchiù ‘e na parola

quann’esce ‘o sole

e quanno chiove ‘a casa ?

Vurri sapè che cosa l’aggia dì ?

Ca ‘un adda  fà ‘a ciancosa

c’’o primmo c’’a curteggia

e nun arrivà maie ‘e fierre curte,

ca tene ‘a  fà,

nun po’ piglià impegne.

Ma si le piace

ca s’’o puortasse appriesso

fino a ca ‘un ‘a lassa

comme a nu cane ‘e presa.

Gioacchino Ruocco

26.03.017             Ostia Lido