‘E zite…

Ziti al ragù

‘E zite…

Ero nu parmo

e già spezzavo ‘e zite.

P’’e dete mie

ereno comme ‘e pprete.

Mamme me guardava

e s’’a redeva

e io cu essa

senza capè ‘o pecchè.

Daie ancora n’ato

e po’ amma fernuto

ca ll’acqua volle già

e papà tuio

sta quase p’arrevà.

Che fa ce ‘o ddico

ca l’haie spezzate tu ?

Se mangia cchiù cuntento

c’’a pasta le piace

ancora al dente.

E quanno l’assaggiavo

cu l’anema ‘nnucenta

ca me truvavo sentevo

ca ‘o core me sbatteva

comme a quanno currevo

si ,mamma me chiammava.

Currevo a fore ‘o vico

addo ne stevo ca ‘mbracci’ a essa

sicuro me sentevo

ancora nu criaturo ma pe ppoco

levanneme ‘e vvote

a miez’’o ffuoco.


Gioacchino Ruocco

Ostia Lido           01.09.019