Quanno è miezo juorno,,,,

Napoli

Quanno è miezo juorno

chi se n’addona

si è fritto ll’ove

o è fatto na ‘nzalatà

e’ patane e pummarola ?

L’aria è quase sempe ferma

sturduta d’’o sole

che ce arriva.
chi tene nu currivo

s’’o porta a n’ata parte p’’o scetà.

‘O tufo giallo calma ll’aria

e ogne parole

tene nu suono nuovo

che s’addorme

mentre me dice

ca me vuò vedè felice

quanno m’affaccio

e quanno scengo abbascio

quanno n’ambascia te pesa

comme pesa a me

quanno ll’aria se ‘mbroglia

e s’accummoglia ‘o cielo

e nun saie che dicere

e io nun saccio cchiù truvà

dint’a ll’uocchie tuie

l’ommo felice ca me fa cantà

cu ‘e canzone ca scrive

cu ‘e vase ca me dà

pure si a uocchie a uocchie

le rideno ll’uocchie per me fa sunnà.

Gioacchino Ruocco

Ostia Lido  13.09.019