Pe campà accussi felice

Pe campà accussi felice

che te dice ammore tuio,

mamma toia, chi te vò bbene ?

Te sta ascenne

a dint’’e vvene

stu surriso.

E sta faccia nun è

allera sulo ogge.

Quanno torno

e io te trovo

comme staie

chillu mumento

ca te veco,

Si ‘nnucente,

si n’ammore

si na gioia

pe chist’uocchie.

Chi mpapocchia

so’ semp’io

ca te giro attuorno

e me mette quase scuorno

e te di:- Te voglio bbene.

Ma ‘o bbene ca te voglio

nun è ‘o bbene

‘e nu guaglione ‘nnammurato.

Chi sa quante n’è truvate

e ne truove ogne mumente.

Chello bbene ca te voglio

è ‘o bbene ‘e chi t’’è pate

si accussì nun fosse state

e chi te lasciava ‘e pede.

Figlia mia! Me si figlia o nun si figlia

‘o mmio è n’ammore speciale.

Tienatello dint’’o core

ca si fosse ‘nnammurato

a chest’ora stesso fore a t’aspettà.

Gioacchino Ruocco

Ostia Lido 29.09.019

Ad Anna Pane