Dint''o Gesù....

Dint’’o Gesù…

Gesù, Gesù

addò me ne so ghijuto ?

‘Int’’o Gesù!

Comme ce so’ arrevato ?

Quanno tu m’è  ditto

ca io nun saccio essere felice

luntano a te.

E mò che faie ?

Nun sia ditto maie

ca  tu me manne arrete.

Cammino sempe

tenenno mmane ‘e prete

‘e vascio ‘o saglio e scinno

‘e quanno stevo

dint’’a guagliunera.

‘E c’aggio ave paura ?

Cammino muro muro

e me stò attiente

arreto e a ‘nnanze

e ‘o male ‘e panza

‘o faccio venì a ll’ate.

Dint’’o Gesù

ce songo n’ato quase

ca mamma se sentette

‘e veni meno

da ‘Onna Sciurella

ll’eva purtato ‘o ppane

pe guagliune.

Si sant’Antonio

nunfa’a grazia ‘a me

a chi ‘a po’ fà.

Ce vengo

‘a quann’ero guagliunciello

pe jucà  cu furmelle e ritrattille

cu ‘e meglie figlie ‘e mamma

e canuscette a te

ca me guardave

comme se guarda ‘o meglio

comme si fosse stato che

uno ca sape ‘o fatto suio.

Provece ancora

e t’arricuordo ‘e me

ca ‘nziemo a Rafiluccio

jucavo a zompa ‘ncuollo.

Isso faceva o ciuccio

e io a quatto cosce

jevemo mangianno

briosce e susamielle.

Tanto ‘e cappiello,

ma si ce pruove pe…

te manno a Cusumiello

ca te fa nuovo nuovo

pure si puorte ‘ncuollo

nu curtiello pe fà ‘o guappo.

Ommo e scialappa

io t’adducisco ‘a vita

si t’acchiappo….

Gioacchino Ruocco

Ostia Lido   23.11.019