Senza penzà addò vaco
vaco mettenne 'e piede
addò 'nn avesse mettere.
Sparte a qualcheduno
ca va sfuttenne 'ngiro
e n'uocchie niro
'e vvote 'o porto a casa.
Chello ca me trase
quanno me tire 'e recchie
m''o tengo dint''o core.
Te vase 'e mmane
comme a quann'ero nu criature.
Può sta sicuro
ca io nnun faccio 'o guappo.
Quanno m''acchiappo
m'acchiappo ca 'un 'e vvoglio
però si ce stà 'o scoglio
io che ce pozzo fà ?
'A prepotenza
io 'a piglio 'e pietto
quanno m''a trovo 'nnanze.
Quanno me scanzo, 'a scanzo...
io nun 'a corre appriesso,
corro sultanto
p''o dulore 'e panza.
Gioacchino Ruocco
Ostia Lido 22.11.019
19,27
Nessun commento:
Posta un commento