Assettate nu poco affianco a me...

Assettate nu poco affianco a me,

o a faccia a faccia

pe ce guardà  nu poco

dint’’a ll’uocchie.

Me tremmeno ‘e denocchie

quanno te guardo

e cerco ‘e ‘un te guardà

ca stongo male

comme foss’io

ca nun te voglio bbene

e dint’’e ppene

metto pure ‘a te.

Assettate nu poco

‘e parleme ‘e te ca vaie e tuorne

facenneme penzà

 a chi sa che.

Me piglio scuorno

‘e chello ca te dico,

nun simme frate

ma sulamente amice.

E che te voglio dì ?

E che ne saccio ?

Comme a nu straccio

ormaie me sento, oj nì.

Si fosse ‘nnammurato t’’o dicesse!

Ma comme amico

che te vengo a ddì ?

Si fosse ‘nnammurato…

Ma si manch’io

e vote penzanno ‘e fatte mie

penzo a chello ca faccio

e cu qua’ faccia campo

e nun te saccio dì

pecchè io campo

comme te vengo a dì

chello ca penzo

e a ogni ricorrenza

te do nun vaso ‘nfaccia

senza penzà

ca io te straccio ‘o core ?

E ogne vota

te lascio 'mmiez''o viento

ca senza sapè niente

ce ne porta luntano chi sa addò...

G. Ruocco 

Ostia Lido   06.01.2020

Ostia Lido   06.01