Deportazione...

Deportazione……

M’è fatta arricurdà

'o juorna ca papà

a casa nun turnaie

e ‘o nonno,

‘o pate ‘e mammema,

ca chiagnenno

cuntava ‘o fatto

comme era juto.

Turnaie a doppo tanto

e nun ‘o canuscette

quanno me chiammaie

‘a mieze ‘a terra

che steva attraversanno.

Io me truvaie

nu scanusciuto nnante

c’accumpareva

comme a nu santo

c’ancora un sapevo

a me che vuleva.

Mammà ca ‘o canuscette

dicette:- Curre. è pateto,

ma rummanette

comme a na preta

fino a ca nun chiagnette

spaventato.

Ormaie ‘e nire attuorno

erano proprio tante.

Nun m’arricordo

‘a faccia ca facette

e si capette chello ca succedeva

a me ca ‘n ‘o vedevo

‘a duie anno arreto.

Fuiette luntano,

mmiez’’e pummarole

e m’annascunnette

fino a ca scuraie ‘o cielo.

Quanno m’accumparette

n’ata vota

teneva na faccia cchiù pulita.

‘O riesto ‘un m’arricordo

comme jette.

Me cunzulava mammema

ca me raccuntava

cose ca nun sapevo

e me faceva ‘o fricceco

pe me vedè allero

ca nun sapevo ridere…

d’’o juorno ca chiagnette

cu nu fucile ‘ncuollo

e m’ero fatto

muollo muollo

‘nzuappato ‘e lacreme…

fino a dint’a ll’osse.

Gioacchino Ruocco

Ostia Lido     24.01.2020