M’è fatto cchiù dispiette.....

M’è fatto cchiù dispiette

dint’a sta stanza ‘e lietto

ca si ce penzo ancora

songo ore ‘e chianto

e tiempe ‘e malumore.

Nu schianto ‘un me pigliato

ca so' cchiù forte ‘e te,

ca songo priparato

‘a quann’ero guaglione

sott’’e cannutate.

A chi me steve accanto

senza pregà maie sante

dicevo:- ‘Un è fernuta ancora.

Mò n’arriva n'ata,

ancora cchiù vicina.

Quanno s’asceva fore

sentevo ‘o mandulino

si   Nicola ca sunava,

‘o vicino ‘e casa,

e io cantavo a sulo.

Musica e parole

chello ca m’asceveno,

chelle ca ‘o core mio

senteva dopp’’o bumbardamento

invece ‘e chiagnere.

Ma ’int’a stu lietto

quanta cunfiette

ca me so’ zucate,

mò sule mmennele

stongo a rusecà.

Si songo dispiette

nun ne voglio manc’uno.

Quann’è ‘o mumento bbuono

te voglio ca me cirche.

Voglio sapè che vuò.

Io sto c’’o chierchio

e stongo jenno ‘e Vagne.

Me sento comme a quanno

currevo ‘a ccà e a llà

pe dà ‘o riesto a chi..

ancora ne vuleva

a chi sperava ‘e stà

cu uno comme a mme

ca maie perdeva ‘a voglia

‘e ridere ‘e pazzià.

Ero nu guaglione

sempe c’’o core tante.

Nun ero ancora sante

e nun facevo grazie

a una comme a te

c’’a ‘e vvote me ringrazia

e ‘o juorno appriesso

me fa disperà

senza ca ‘o tiempo cagna

si nun m’’a sto a vasà.

Ostia Lido             07/01/2020