Si era cchiù tranquillo l’urizzonte....

 

Si era cchiù tranquillo l’urizzonte

pur’io pigliavo ‘a varca

e me jevo fore

addò ‘o cielo

s’attacca c’’o mare

e pare una cosa.

Ma ormaie c’’a vita ‘a saccio

quase a memoria

m’’o sto guardanno

‘a coppa a sta banchina

ca n’atu ppoco  ‘o core

scemunisce.

Si vaie pe pisce

se capisce già

ca nun è tiempo

e ‘o maletiempo

nun porta niente ‘e bbuono.

Meglio ca me ne sto

nzaveramiento

a m’’o guardà sultanto

comme a nu santo

ormaie ‘mpurgatorio

c’ancora addà pavà

qualche peccato.

 

Ostia Lido           15.08.2020  h12,30