Bagnoli…

Bagnoli

Napule tene famma

ma ‘a ggente vene a Napule

sulo pe s’’a mangià

dint’a nu muorzo ‘e pane.

Pur’io mpazzisco ancora

quanno è nu juorno ‘e sole

ca mm’accarezza stiso

senza cchiù a cammisa

abbascio a stu Coroglio

ncopp’a nu scoglio

addò ‘o maletiempo

me vede ‘e passa

e se ne va luntano

pe nun me fà cchiù chiagnere

e cu na capa ‘e pane

ca si me vene famme

mullica pe mullica

vaco mangianno.

Si dimane scetanneme

‘o fatto fosse overo

nu sciardeniello

me vulesse fà

pe fà duie friarielle

‘e presse ‘e presse

e te ‘invità a mangià

cu st’aria ‘e mare

ca s’arricorde ‘e nuie

sulo si è male tiempo,

si stienne ‘e panne

e doppo se ne fuie

comme a nu guaglinciello

scrianzato

che fa chello ca vò

quanno vò isso.

E’ n’aria stanca

c'’a tuorne nun se sbroglia

ca pare cchiù nu mbruoglio

ca nu fatto overo.

Chello ca succere

‘n è sempe nicessario,

ma chello ca se vere

sta sotto a ll’uocchie nuoste

e chi  l'ha fatto apposta

ancora adda pavà.

Gioacchino Ruocco

Ostia Lido              01.05.016