‘A femmena cchiù bella ‘e tutt’’o munno

‘A femmena cchiù bella ‘e tutt’’o munno

me stà giranno attuorno

e nun se piglia scuorno

‘e farme ‘a rota

comme a na vota

faceva ‘o gallurinio.

Si me sceto matina

m’’a trovo già annanzo

e si me cocco tarde

m’aspetta mmiez’a via

quanno ritorno a casa.

Fatece caso

quanno nun ‘e cirche

te stanno sempe appriesso

e vanno pure ‘e presse

p’’e bisogno lloro.

Si maie nu decesso

le manca qualche punto

po’ comme fanno

a fa ‘e cunte juste.

Ce stive o nun ce stive

dint’a stu trambusto.

T’aggusta o nun t’aggusto

quanno si muorto

ormaie si nu nummero

e chi dice ‘o cuntrario.

Stive c’’o culo a ll’aria

senz’azzeccà maie niente

e mo staie ‘nmiez’’o viento

‘e tanta chiacchiere.

T’aggusta o nun t’aggusta

te mette ‘ncopp’a pasta

p’’a fa cchiù sapurita

ca po’ quanno ‘o prurito

sarrà fernuto

‘a stessa diciarrà

ca si ‘o ricordo

di giornate belle e favolose.

Adesso mi riposo al suo ricordo.

Non ne potevo più !

Ma che ‘a facive

tu ‘a sta signora

c’ancora parla ‘e te ?

Alla buonora!

Lasciatemi godere

l’eterno mio riposo

che non ne posso più.

Eppure so ascoso

e arrivano cuscini

di fiori a tonnellete

ogni mattina

tanta c’addore è forte

nun ‘ a suporte cchiù.

Ce vo nu netturbino tutt’’e juorno

pe tenè pulito il mio sacrario.

Meglio c’’o culo all’aria

ca muorte dint’’a tomba

c’all’atu munno ‘o saie

nun se tromba…..

Gioacchino Ruocco

Ostia Lido           17.05.2020