TeSTAMIENTO - Milano Lungo i navigli

Testamiento

Quanta belli cose

stanno attuorno a nuie

si fosse sul ‘a rosa

stesseme frische.

Ma si ‘un sapimmo chiagnere

quanno ce n’accurgimmo

che simmo, chi simmo

si nun capimmo chesto?!

Vulessemo fa festa tutt’’e juorne

Putessemo ma ‘n o capimmo ancora.

si aggi’ aspettà ca more,

ma che ce campo ‘a fa ?

Primma ‘e schiattà però

te lascio stu tesoro

‘o sentimento mio

ca nun vò muri.

Facimmece a capì.
si pienze ca ‘n è overo

lasciamma stà.

Io so n’ommo sincero

pe me ‘a libertà è ‘a primma cosa

e l’onestà ancora ‘e cchiù

Io sto murenno cu essa dint’’o core

ca nun ce ‘a faccio cchiù

cu tanta mariuole tuorno tuorno

can un canosceno ‘o scuorno

ca ce hanno fatto ‘o callo

si no restano senza palle.

Rafè, Viciè, Carmè,

nun me chiagnite

‘o saccio ca tenite

ll’uocchie ‘e vrite

nun me facite fesso proprio vuie.

Ce canuscimmo ‘a quanno ‘o sapurito

piaceva pure a me

ma n'atu litro proprio nun ce ‘a faccio.

M’aggio lavato so’ tutto pulito.

‘Ncuollo me so’ miso ‘o camisaccio

pecchè nun saccio

si fanno ‘o triatiello pure llà.

Io m’arricordo ‘a parte.

Eremo guagliune ‘e miez’’a via

Mò simme signure quase quase

permetteme te voglio da nu vaso.

Si ‘un ce vedimmo cchiù

forse tre trase nu penziero mie

Fance chello ca vuò

ca nun è cchiù d’’o mio.

Gioacchino Ruocco

27.05.2020                Ostia Lido h 07.51