'O figlio d''o Trippone

G. Ruocco - Lavoratore della terra

 visto di spalle.

1983 -  Tufo romano - h cm   37

‘O figlio d’’o Trippone

Quanno nascette

pareva Ninno santo a Bettelemme.

Quanno criscette

se facette gruosso

comme a nu Pataterno

e se piagliava isso

'mbracci’ ‘a mamma soia.

‘O figlio d’’o Trippone ‘a terra t’aizava

e te purtava ‘ncielo

comme a nu suscio ‘e viento.

Criscette  senza maie nu male ’e diente

senza ca chiagnesse meza vota.

Teneva tanto ‘e chillo sentimento

ca me sembrava ‘e vote na criatura.

Jettava ogne surore ‘mmiez’’a terra

e accussi  ommo ‘e fatica se facette.

‘E vizie manco a uno ne tenette.

Faceva chello ca sapeva fà

sempe cu na resata ‘mmiez’’e riente.

‘A vita soia

comme accumminciaje fernette

senza fermarse maje nu juorno sulo.

Na capa ‘e pane e dinto senza niente,

nu surzo d’acqua fresca sulamente

a differenza ‘e  tanta ‘e chella gente

ca d’’a matina ‘a sera mangia sempe.

Crisceva comme ‘o crisceto  d’’o pane

addeventanno na muntagna ‘e carne

ca comme a nu criaturo te guardava

sultanto c’’o gulio ‘e vulè bene.

Manco na mosca fuje accisa ‘a isso,

maje na vota che dicette: crepa

a chi qualcosa ‘e stuorto le diceva.

Restaie nu piezzo ‘e pane

e ‘o juorno ca murette

tutte mulliche ‘o tiempo ne facette

p’’a gioia ‘e  ll’aucielle

c’attuorno ‘e piere sempe se truvava

quanno qualcosa le careva ‘a mano.

Gioacchino Ruocco

09.06.017   Ostia Lido

Se dovesse tremare ancor la terra…

Se dovesse ancora tremare la terra

vienimi incontro a prendere

e portami dove il mio destino vuole

onde siccome suole questo paese

che a volte si ridesta e a volte cede

alla natura da sempre insicura coi sui affanni.

Io vesto ancora i panni del dolore,

dell’abbandono, di una vita che non vuole

piegarsi al destino avverso

destinato a noi due

accomunati  da sempre

in un amore diventato eterno e irriducibile

che ancora ti cerca nelle pieghe del tempo,

nelle crepe dei muri, nell’alito del vento

che ti portava in alto a farti vivere

il mito che ti rubava l’anima.

Ritornerò appena è primavera

sul tuo appennino con la preghiera

al passo col mistero di sentirti affianco

nelle ore che l’amore ci donava

e nel ricordo che ancora mi ritempra.

Come un pastore verrò appresso al pianto

a cercare la pecorella smarrita chi sa dove,

per ritrovarti come un santo a dare tregua

ai miei ricordi, ai giorni di pene e di sconforto

e a quelli di luna piena che ti stringevano a me

nell’abbraccio del mio amore forte.

Ostia Lido                  2015/12/23

Inserita nella raccolta “Aquila forever”

Quanno chiove dint’ ‘a terra ‘e ll’ate

Quanno chiove dint’ ‘a terra ‘e ll’ate

nun te fa piglià d’’a gelusia.

‘A terra toia tene cchiù sole ‘ncielo

e ll’acqua ‘e scolo è na grazia ‘e Ddio.

Nisciuno hadda tenè ‘maie mmiria ‘e n’ato!

‘A mmiria secca ‘e piante e ‘o sangue ncuollo

se fa comme a ll’acito, siente ca more

e nun te vene vvoglia ‘e fatecà.

Si ‘e vvote siente ‘o core ca nun sbatte

fa comme ‘o sorece e maie comme ‘a jatta

ca quanno faie mice vene appriesso

E quanno no nun le ‘nteriesse cchiù.

Si va ‘a furtuna a ll’ate e a te nun vene

t’acchiappa ncuollo a freva e ‘a pucundria,

ma fatto forte pe quanno nun po' Dddio

darte ‘o riguardo ca t’è mmeretato.

Nun sempe è bbona ll’acqua p’’o terreno,

nun sempe leva ‘a sete pure ‘e pprete.

Mettete nnante ‘a porte e guarda ‘o viento

addo tira, specie si si ‘e Surriento.

Nun tutte ‘e poste songo arreparate,

nun sempe ‘e paglairelle so adduvere.

Penzece quanno ‘o cielo è ancora chiaro

e quanno cchiù nun sparpete stu mare.

Tene ‘e tesore nfunno e sta canzone

‘a saccio ‘a quanno io ero guaglione

‘a quanno te purtavo ‘a serenata

e na notte me diste n’arracquata.

Gioacchino Ruocco

04/07/2014         Ostia Lido

Inserita nella raccolta “Nu juorno comme a n’ato”