Nun ce addurammo ‘a quanno ...

Nun ce addurammo ‘a quanno so’ partuto.

T’ire stancata ‘e me, e che suspire

ll’uocchie tuie appriesso me metteveno

facenno ‘o mmale ca me vulivo fà.

A Pasca m’ive dato ‘o ramme ‘e aulive,

ma che vulive a me nun ‘o capetto

ca cchiù dispettosa me diciste:

Si te ne vaie ‘o ssaje ca nun t’aspetto ?

Nun pozzo sta sempe c’’o core mmano

a correre addò tu…tu te ne vaje.

N’ammore comme ‘o tuio pare nu gaie.

P’avè nu vaso aspetto e spero a tanto.

C’avo ripsonnere? Io me so’ fatto santo

p’avè na grazia ca nun me vuò fà ?.

‘E  chiese ‘ngiro ce ne stanno tante

e io ce traso cu tantu sentimento.

Ma nun so ‘e chiese addò tu te ne vaie.

Dint’’o Giesù, ‘o Carmeno, a Puzzano,

a Putiella, a Libbera, a Scanzano

da San Michele cu na spata mmano.

Che ponno fa pe farme riturnà ?

Ogge ‘a fatica è na cosa rara.

E agge sturiato chi sa quanto

ma quanno prego ‘o cielo me risponne

ca so’ scucciante comme ‘un ce ne stanno.

O m’accuntento e me faccio santo

oppure c’è l’inferno ca m’aspetto.

Ma chesta nun è vita! Ogne mumento

ce sta sempe qualcuno ca me dice:

- Si tu vutave a chillo c’aggio ditto

invece 'e sta a fà ‘o pesce fritto

mò stivo pure tu  mmiez’a sta villa

a piglià ‘e sorde d’’o matenimento

comme si fusse n’atu monumento

c’’a mmiez’’a villa ce addà sta pe forza

pe nun perde’a semmenza ‘nzieme ‘a scorza.

’e chille ca nun se vonno arrenno

ca chino ‘e sentimento ‘a penzeno

comme s’addà penzà ‘e nun fa tuorto

a chi è vivo e manco a chi è mmuorto.

Gioacchino Ruocco

Ostia lido         06.04.018