Castellammare - Boom di turisti in città per il 25 aprile. Villa comunale e funivia prese d'assalto

Castellammare è stata invasa dai turisti. Qualcuno, spinto dal caldo si è anche tuffato nel mare antistante la villa comunale. La funivia è stata costretta ad incrementare le corse

Quanno faccio ‘o cunto d’’e mazzate,

veco ch’è stata na jurnata bbona

cu chelle c’aggi’ avuto e c’aggia date.

Chi s’’o credeva ‘e tutta chesta ggente.

Se cammenava a stiente mmiez’a villa

pure si ‘a ggente jeva a nnanze e arreto.

A zicco a zicco steveno, ‘ncullate

e ne sentivo ‘o sciato ‘e tante addore.

‘E ccose ca diceveno, ereno

‘e ll’ati poste, appena se capeveno.

Quann’aggi’ avuto ‘e faccia sembraveno

cuntente e certe s’’a redeveno.

E’ stata na jurnata speciale.

P’’o dicere ‘e giurnale sarrà overo.

Ma ‘o guaio è sempe ‘o stesso sule a pere

se trove ‘o tiempo pe na cammenta.

‘O mare se n’è stato cuieto,ma

ce vuleva qualche varchettella

‘e quanno ‘o si Catiello l’affittava

pure si ‘e tiempe ormaie so’ cagnate.

Si appriparammo ‘a festa e po’ce manca

‘o riesto ‘o nuie ce organizzammo

o ce perdimmo ‘a posta. Chella ca resta

‘e na jurnata tosta songo ‘e llire

e ll’uocchie nire ‘e chi te deve ‘o riesto

mmiezzo ‘o votta vota ‘o a reto banco

addò campave stanco ma felice

cu ggente attuorno comme atante amice

c’’a tanto nun vedive nun turnaveno.

‘O sole ‘e ogge ha fatto nu miraculo

T’ha fatte rivedè chi te vò bbene.

Dimane campe cu na speranza nova.

Gioacchino Ruocco

Ostia Lido 27.04.018