Omaggio a Pasquale Ruocco

Omaggio a Pasquale Ruocco

Tenitavelle tutt’’e ccose vecchie

cu tutte ‘e tarle ca ce stanno ‘e casa..

Avo prestato a ‘o zio ‘na rattacasa

e pure chello isso se vennette.

Che ne faceva ‘e solde nun ‘o saccio

ca ce ha lasciato sule carte scritte,

mezzune ‘e lappese, qualche fotografie

e tanta sfuttemiente ‘a fa nu libbro.

S’io nun fosse nu nepote suio

putesse pure fà na fessaria,

ma visto l’uso  ca isoo ne facette

ca se tenesse chi se tene astrette

e ce facesse ll’uso ca ne vò

e fosse pure isso beneritto

c’ancora è tene astrente e ne fa vanto

Si, m’era zio… ma nun era santo.

Era nu guaglione fatto apposta

pe dà risposte a chi le dummannava

si se credeva ‘e essere poeta.

xu na franchezza e cu na faccia tosta

ca ‘e mannave subbeto all’nferno

primmo c’’o patatreno s’’e chiammava

e s’’e guardave zitto e curiuso

pe capi si ‘a botta aveva fatto effetto.

Sarrà stato pure nu difetto,

sarrà stato chello ca vulite,

ma restava tanto divertito

c’’o raccuntava a ll’ato pe diletto.

Tenitavelle tutt’’e ccose soie

tante nun so’ d’’e noste, s’’e vennette..

Avo prestato a ‘o zio ‘na rattacasa

ma pure chella c’’o zio scumparette.

Gioacchino Ruocco

Ostia Lido           14.04.018

 


Materiale fornito dal collezionista ANTONIO LUCA AUGUSTO (vedi Facebbok)