‘A colpa è sempe 'a mia

‘A colpa è sempe 'a mia

ca daie a colpa a me,

ma ‘a colpa è primma ‘a toia

ca nun staie a sentì.

Vuo’ fà ‘e capa toia

e po’ ‘o vuò ‘a me

si ‘a cosa nun va bbona

comme aggio ditto, oj né.

‘A colpa è ‘e tutt’’e duje

pecchè, secondo me,

tu nun me vuò sentì

e io nun sento a te.

Nun è dispietto ‘o mio,

ma é capa tosta ‘a toia.

Tu si ‘a meglio

e io nun capisco niente.

Tu è sempe fatto chesto

e io ‘o riesto ‘e niente.

Tu tiene ‘e pariente

e ‘e mie songo nisciuno.

Io nun tengo debbete

e tu ‘e maccarune

ca viene sempe e assagge

quanno ‘e cucino.

E si me staie vicino

é ca me vuò bbene,

mentr’io te faccio pena

cu ‘e ccose ca te scrivo.

Sempe napulitane,

sempe pe nu currivo

e arrivo addò vuò tu

e me faccio fà fesso

e tu allaje ragione.

Che vuò so sempe ‘o stesso,

ma tu nun te n’adduone

e io cuntinuo fesso…

comme so' sempe stato
sempe cchiù 'nnammurato.

Gioacchino Ruocco

Ostia Lido             30/01/2014

Inserita nella raccolta “Suspire ‘e miezejuorno”