Raffele Viviani

Raffaele Viviani, alle sue spalle il Busto di Luigi Denza.

Ogne vota ca torno a stu paese

ce faccio ‘e spese

e ce porto ‘o mio,

ma comme si facesse tuorto a Dio

chi guarde stuorto

e chi me va cuffianno.

Me so stancato, ‘o ddico apertamente!

Tenitevello pure

Cu chello è rimasto.

Facitece ‘o triato ca vulite,

ma nun ve lamentate:

levateve ‘o prurito.

Cagnatavella ‘a maglia ogne tanto,

cagnateve ‘e mutante.

Penzate pe dimane.

‘O pane ca facite è sapurite

e taralline pure

e ll’acqua na delizia.

Aggio parlà  d’’o paese mio

comme a n’estraneo

comme nun fosse Dio.

E cu na mano annante e n’ata arreto

me tocca ‘e sta cuieto

si no nun torno arreto

‘a puorto Salvo cu l’osse sane 

e ‘a fantasia ‘e turnà

pe ritruvà na zia,

nu parente ca nun me scrive maie:

risulta sempe assente.

N’amico ch’è rientrato.

Ve guardo mmiez’a villa addulurato.

Parite n’atu santo

ca prutegge stu paese.

L’unico che canta è don Luigi

u jamma, jammo, jammo

e  ‘ncopp’o se ne va

fino a faito p’avè l’idea diversa

ch’isso tene 

‘e chello ca succede:

Guardà il tutto e renderlo innocente

pecchè ‘a luntano

tutto è diversamente.

‘O malamente pare pur’isso buono

e ‘o buono è buono,

nu caramellato.

Le fottono ogne cose ma ‘e lamiente

Lassù, ‘ncoppo Faito 

e chi se n’è addunato ?

Chi scrive ca ‘e ccose e cose ca nun vanno

Nun m’è parente

E sta vicino a chille.

Ca fanno ‘e marenne e spartemiente

Nuie simme artiste

e penzammo a ato.

E don Rafele quase se ribbella,

ca don Luigi è matto.

Ma chi ha sunato ?

Chisto ce sta pe starce mmiez’a Villa

ma ogne ghiurno piglia

e se ne va, Funiculì funiculà.

E cu Michele Esposito che faccio ?

Nun ce guardammo ‘nfaccio

nun saccio a quanto.

‘A quanno sto ca ‘ncoppo sento e sento

ma so’ na statua

nun pozzo fa cchiù niente.

Primmo screvevo e recitavo ‘a vita

 ‘a gente me senteva,

qualcuno me capeva.

‘A quanno sto ccà miezo l’unico

Gulio è chillo ‘’e ritiurnà

Arreto ‘o tiempo mio,

comme facette patemo quanno

io ero guaglione

e ancora nu stucchione,

ma ringrazianno  a Ddio

truvaie nu sillabario

ca fuie ‘a furtuna mia.

Gioacchino Ruocco

29.10.016               Ostia Lido