More chi è viecchio…

More chi è viecchio…

Liegge nu pruverbio e t’arrecrie.

More chi è vicchio e dice:- E Così sia.

Ha cunzumato ‘e ssole

e scauzo nun sape si ce ‘a fà.

S’era assettato ‘a tiempo ‘nnanz’’o barre.

ca steva a quatte passe d’’o palazzo

senza fa maie nu sgarro ‘e na jurnata.

Nu cafettiello, justo quatte gocce.

Si s’ammucciava justo nu mumento

quanno se repigliava ‘a l’inconveniente

era ca ‘a sera nun truvava suonno

‘a quanno ‘a primmavera era arrevata

S’era miso cchiù lieggio cu ‘e vestite

pe chesto  se pigliava ‘a lenza sole

c’annaze ‘o barro ormaie s’appriparava

comme a n’accordo ch’eveno pigliato.

Amice ‘un teneva.Justo qualcuno

ch’e vote rispunneva a nu saluto

credenno ch’era n’amico o a nu starnuto

quanno ‘o sole cchiù cavero faceva.

Quanno fernetto’o tiempo era dicembre

sembrava ca teneva duciente anne

e invece ‘o manifesto ripurtava

ca don Peppe l’atriere

alla modesta età ‘e quarant’anne

ava lasciato ‘e panne ‘ncopp’a terra

ed era trapassato a miglior vita

senza lascià nisciuno c’’o chiagneva

nu figlio, na zita e per diletto

lasciaie nu caffè pagato a chi ‘

o suppurtava dint’’o barre

e a chi ‘a lenza ‘e sole ereditava

e nun avesse ditto na parola

pe dà l’impressione a chi passava

ca don Peppe steva ancora là

senza ne  fà accorgere nisciuno.

Gioacchino Ruocco

Ostia Lido    05.09.018