Io m’accuntento

Dolce e Gabbana 2016

I’ m’accuntento

‘e chello ca me daje,

ma tu nun t’accuntiente

‘e chello ca te dongo.

Ce t’aggio dì

si nun è primmavera

o si è arrevata

ma fa friddo ancora ?

P’essere sincero so’ sincero.

ma un pozzo cagnà ‘o tiempo

comme vuò tu

purtanne ‘e nuvele

dint’’o cielo appriesso

si sempe friddo

è ‘o viento d’’a muntagna.

O nun ajesce

e te ne staje a casa,

o arrevammo appena ccà vicino.

‘O puosto venne ancora ‘e mandarine

ca a te piaceno.

Ne pigliammo

qualche chilo ‘e cchiù

ca quanno a esco

nun t’’e a risperà.

Però stu fatte

ca niente te va bbuono

nun me piace tanto.

Scigliate n’atu santo

ch’’e grazie ca vuò tu

io nun ‘e sacce fà.

Sto ghienno a scola.

Ma primme ‘e me mparà

ne passa ‘e tiempo

e pure primmo

ca me fanno santo

pe fa miraule

pe tutte quante

Gioacchino Ruocco

02.04.017             Ostia Lido.