Tu ire....

Tu ire

Tu ire ‘o chiuovo addò appennevo ‘e gguaie,

‘o piennolo ‘e tutta vita mia.

Tutte ‘e penziere nire ca facevo

tu t’’e tenive ‘ncuorpo e ne suffrive

sanza m’’o dà a vedè ogne matina

ma sulo quanno m’accarezzave ‘e rine

addò na spina me stracciava ‘a carna.

Tenive nu suspiro ca me levava ‘a croce

e si ‘e mmane m’astrignive ‘e vvote

guradanneme ‘int’a ll’uocchie scunzulata

era nu modo pe m’arricurdà

ca me vulive bbene pe farme fà

nu passo arreto pe nu ricordo ca

nun stive maie a dirme o a chiajtà .

Pecchè sapevo chello ca vulive,

comme sapive ca si si tiennero

te fanno fà ‘a fine ‘e Masaniello

‘mmiez’’o mercato o acciso ‘nnante ‘a porta

sule pecchè  te si truvato ‘e stuorto

e nun te piace ‘e fà finta ‘e niente

suffrenno cu na risa mmiez’’e riente.

Sto ancora ‘int’’a sagliuta d’’o mulino

addò s’’è rotta ‘a rota d’’o traino

e sto aspettanno ca qualcuno passa.

‘A luna s’alluntana e s’avvicina

quanno passeno ‘e nuvele pe nnante

e io m’’a canta c’’o fiasco ‘e vino

penzanno ‘e mmane toie dintt’’e rine.

Gioacchino Ruocco

08.04.07               Ostia Lido