‘O core sempe sparpeta

‘O core sempe sparpeta

pe na nuttata janca

stanco cumm’è ‘e tanta

suspire inutile.

Sarria forse cchiù facile

dicere sempe sì

a chello ca tu faie,

a tutte ‘e guaie

ca me miette ‘nnanze.

L’unico piatto prelibbato

ca m’é rigniuto ‘a panza

già ‘a qualche anno.

Ce vo’ pacienza , è overo,

ma è nu mistero

seza pate e gloria,

senza n’avemmaria

pe salvà

‘a pace toja e ‘a mia

pe ce ‘ncuntrà p’’a via

senza girà cchiù ‘a faccia.

Ma che ce vo’ a capi ?

Ma che ce vo’ a avè

nu poco cchiù ‘e pacienzia

pure p’’a cunvenienza

che n’haie bisogno ancora ?

Io m’assettasse n’ora

e stesso a ragiunà

accuitanno ‘o core

mettenno ‘a parte

ogne arte e gloria

si tu ne tiene una

ca te po’ dà ragione

ca sulo ‘e fesse ‘a teneno

facenno ‘e muorte ‘e famma.

Te voglio bbene ancora

e ghiamme, si tu vuò ragiunà !

Giocchino Ruocco

21.04.017            Ostia Lido