Chello ca nun capisco...

Chello ca nun capisco

io nun t’’o manno a dicere,

t’’o ddico apertamente.

Meze parole io nun ne saccio dì,

chello ca ‘o core s’accaccia

chello te vengo a dì.

T’aggio venuto a dicere

‘a quanno te canosco

ca te voglio bene.

Te voglio bbene tanto,

ma ‘e vvote nun cunviene

a fà ‘a figura ‘e santo.

Qua sante po’

si ce ne stanno tante

ma nun ce ne sta uno

pe femmene gnurante ?

Te vengo a dicere

ca io te voglio bene.

Ma si nun songo ‘o tipo

basta ca tu m’’o dice.

Restamme sempe amice,

anze cagno vico

pe nun te dà turmiente.

Quanno haie bisogno ‘e me

‘o saje addò me truove.

Comme a nu chiuovo

stongo ‘o stesso muro

addò m’appemgo e guardo

certi piezze ‘e lardo

ca passene pe nnanze

o tipo comme a te

sempe cu ‘e male ‘e panze

ca nun sanno che vonno

e aspetteno ca ‘o munno passa

pe sceglierse qualche asse

oppure qualche briscola.

Basta sapè ‘o juoco

basta sapè ‘e carte

qual’arte tu vuò fa.

Gioacchino Ruocco

Ostia Lido    11.03.018

Inserita nella raccolta: Voglio campà redenno