‘A verità….

‘A verità…. 

Si dice ‘a verità te vonno bene

e ‘a buscia ca tene ‘e gamme corte

no comme ‘e toie ca so’ rimaste storte

‘a quanno si arrivato a chistu  munno.

Te vono bbene pecchè ,‘o ssaie, si

n’anema sincera pure si ‘a cosa è

nera ride e pazzie fino ca s’arrena

chi allave na mazzata miez’a capa.

Si dice ‘a verità te vene ‘nfaccia

‘o rrusso ‘e chi è cuntento che l’ha ditta

pure si ‘a verità nun fa piacere

a chi ‘a mugliera nun ‘o vò cchiù bbene

Comme le faie a dì ca tene ‘e ccorne

comme te vene a dì ‘a verità

Ma a Geggeniello le riesce sempre

t’’a dice ‘nfaccia senza te fà arraggià

Ma ll’atu juorno Vicienzo Beneritto:

-ma fatte ‘e fatte tuie ca chi t’ha ditto

nun sape ‘e fatte mie comme stanno.
Me so’ lasciato a tantu tiempo ‘a quanno

jenno a truva Vicenza rummanette

‘a casa soia pecchè…pecchè chiuvette

e nun puteve ascì c’’o lavarone

ca se nfunnevo tutto ‘o cauzone.

Si m’’o levavo ‘a ggente che diceva

avevo voglia ‘e di ma ‘un me credeva

Guardannece ‘int’ all’uocchie me pigliaie

‘a nustalgia d’’a casa e me cuccaie

affianco a essa fino a quanno…a quanno

me sentette ‘o friddo ‘ncuollo e essa me

scarafie ‘e piere , ‘e mmane, ll’anema

e ‘o fuoco s’attizzaie e stiette meglio

meglio comme po sta chi ‘a tantu tiempo

nun senteve cchiù ‘o core sbatte forte

comme ca penvava ‘e esse muorte

e all’imruvviso ave cagnato a sciortà.

Si dice ‘a verità te vonno bene

e allora diciancella sana sana

a si Vicenza è rimasta prena

e io saraggio pate a ora a ora.

Gioacchino Ruocco

14.05.018   Ostia Lido