Penzavo ch’ire tu….

Penzavo ch’ire tu….

Si nun ce capiscimmo

te faccio n’allisciata

ca doppo nuie parimmo

‘o pate e a figlia

ca meglio ‘e primma

riturnammo a stà.

Nu poco, ogne tanto,

comme se fa c’’o santo

te si pigliata

tanta cunfirenzia

pe fa chello ca vuò

quann’io nun voglio

e tu tiene na voglia,

manco fusse ‘ncinta

‘e qualche scarrafone.

M at n’adduone o no

‘e chello ca me faie

d’’e guaie ca me daie?

Mammà., papà , zi’ zì’

e ce ne fosse uno

scurdato ‘o miso a pparte.

Ognuno sape ll’arte

sulo pe ‘ntussecà

tutta chesta jucatà.

Ma chiamma pure a soreta

o ll’urdemo ch’è nato

e vide chi ‘o pate

e puorte pure a isso.

V’aspetto abbasci’ ‘o puorto

pe ve tirà ‘e cachisse.

T’’o ddico tutt’ ‘e vvote

ca parimmo ‘a raspa e ‘a limma,

t’’o ddico e ‘un t’’o ripeto

pe nun sentirme arreto

ca parlo , parlo, parlo

e tu comme a nu tarlo

cuntinue a spurtusà.

Addò ‘nne stive primma ?

‘Mmiez’a ggente bbone ?

E valle truove

ca ll’uovo ‘o fanno lloro

Si nun si nu tesoro

io nun te voglio cchiù.

Penzavo ch’ire tu

chillo tesoro

e invece stongo fore

cu l’accuse

pirciò te chiedo scusa

e bona notte a

tutte ‘e sunature.

Gioacchino Ruocco

30.05.018   Ostia Lido