Aggio scritto ‘na bella canzone...

Aggio scritto ‘na bella canzone

Aggio scritto ‘na bella canzone

e ‘a vaco cantanno p’’e strate e p’’e viche.

Me risponne na bella guaglione

e me dice: - Ma vuie che vulite ?

Vurrie sultanto ca fusse cuntenta,

ma doppo nu poco s’affaccia ata ggente

c’’a vò senti, s’’a vo ‘mparà  pe vede

si overo se sente comme dico io.

Si no, si stive durmenno, ‘un fa niente!

‘A canto c’’o viento, c’’a porta a campagna

addò ‘a ggente fatica e ‘un se lagna

neppure si ‘o tiempo se fa malamente.

Na pacchiana m’ha ditto: - Trasite,

si no ve ‘nfunnite. ‘E panne ‘un ‘e tengo

pe farve cagnà. Ma che bello mestiere

ve si te truvate. Porta allegria.

‘Mmiez’a terra cantammo e zappammo.

Zappanno ‘e gauaglione se fanno cchiù belle

e fanno ‘o mestiere ‘e na vita cuieta

si ve fermate nu juorno ‘o berito,

ma nu vrito s’appiccia sotto ‘o sole cucente

e sento ‘o prurito ‘e nun me sta fermo.

Nun pozzo fà fesso a chi è ‘nnucente.

M’aizo, ‘a saluto e le dico ca torno

quanno fernesco ‘a canzone cu n’ata

strofa, cu ‘a capa cchiù calma, c’’o core

cchiù frisco e m’allasco senza perdere

tiempo. Na lacreme me stà frienno.

Ma io che voglio, ancora ‘un ‘o saccio.

Sta canzone già ‘a canta qualcuna

ca stennenno stà ‘e panne ‘o balcone

e ‘mpruvviso le cade nu straccio.

Ma che faccio ‘o piglio e ‘nce ‘o porto ?

Ma mentre ce penzo a ffianco s’arapa

na porta ‘e purtone e n’aesce

nu piezzo ‘eguagliona  ca va cantanno

‘a canzone ca io aggio scritto.

‘A guardo ‘int’’a lluocchie. Si nun me fa

scemo che guaie aggio fatto. So’ fritto

‘ncoppo ‘a tavula è già pronto ‘o piatto.

Gioacchino Ruocco

09.10.018   Ostia Lido