‘E vvote…

Nu suspiro a vota

songo arrevato

fino a porta toia.

Che faccio trase

o me ne torno a casa

a sparpetià

comme a na palomma

‘e sera

penzanno ‘e cere

ch’’e vvote tu me faie ?

M’abbrucia ‘o core

dint’’o fuoco eterno

‘e chist’ammore

ca me sta cucenno

senza dulore

e senza pentimento.

‘O siento pure tu

chistu turmiento

si sto murenno

pe stu tradimento

ca me staie facenno ?

Primma m’appicce

e po ‘n arape maie,

primme me ‘mpicce

e po’ è nu capriccio

appriesso a n’ato.

Qua soldo spicciolo

te po’ fa felice ?

Arricci’ ‘o naso

e me ne torno a casa.

Meglio suffrì ‘o chiuso

e nun dà spavo

a chi te ceca n’uocchio

cu nu travo.

Gioacchino Ruocco

Ostia Lido              12.07.016