Penzo a te c’aggia fa …

Era nata na bella amicizia.

Mò te cerco sultanto p’’o sfizio

'e sape comme staie,

che faie, che dice

e ll’amice ca songo rimaste.

Si ‘a pasta è ‘a stessa

e nun crisce,

‘comme vuò

ca qualcuno s’affacia

cu ‘a faccia ‘e merullo ca tiene.

E’ nu vizio d’’o mie

C’ogne tanto cerco qualcuno.

Ma faie n’arte

c’accummience d’accapo,

ma ‘o capod’’e ccose se perde.

Io me sente cchiù verde da bile

ogne pilo ca cunto,

ogne trave ca truove

na centrella, nu chiuovo

ca miette.

N’ago co culo cchiù astritto

 ‘ngiro ‘un ‘o truovo

tu ca si nu tipo ‘e cuttone

pe ‘nghime  e ‘ndrillande,

p’’e sacche.

E m’attacche facenno quistione.

E niente va bbuono, niente te piace

ca si stato capace

e dicere ancora:

-Ma ‘a me, tu che vuò  ?

Ogne vota me lasce interdetto.

Chi m’’ha ditto

‘e fa ancora stu sbaglio.

Quanno sento ‘o ciuccio c’arraglia

penzo a te, c’aggia fa ?

Gioacchino Ruocco

Ostia Lido              04.07.016