Chello ca tu me dice

Chello ca tu me dice

Chello ca tu me dice

nun è chello ca voglio.

A ‘mmiez’’o mare ‘o scoglio

è sempe chillo.

Facenno attenzione

‘o può scanzà

e a ffunno nun ce vaie.

Sarria nu guaio gruosso

si tu me lasce sulo

cu tanta cane attuorno

ca ponno muzzecà.

Quanta pacienza ce vò

p’avè nu vaso

e quanno trase

quant’ammiria ‘ncuollo

‘e chille ca me dicono:

-Viato a te!  Viato a chì ?

Me l’aggi faticato

juorno juorno…

‘O bbene ‘un arraquato

‘o ssaie se secca. Però

ce vonno ‘e ffiche fresche

pe fa ‘e ffiche secche.

Gioacchino Ruocco

23.11.018   Ostia Lido