Comme a na malatia

Comme a na malatia

Si ‘nfame

comme a na malatia

ca t’alluntana a ll’ate,

ca te fa restà

‘mpantanato

‘mmiez’a nu munno ‘e gauie,

can un te fa gudè

mano cu juorno

comme fanno ll’ate

jennese a ghittà

pe tutte parte.

Ognuno tene ll’arte ca vò isso!

M’allora songo fesso,

nun so bbuono ?

Comme a nu truono

ca fa tremmà ‘e ccase

m’arrasseno

e me teneno luntano.

Songo na perzona

ca sulo a na cert’ora

vede ll’ate,

comme a nu carcerato

a ll’ora d’aria.

Po’ sulo n’ata vota

fino a ca ‘a rota

nun giro

e arriva appriesso

cu n’atu juorno

ca sarrà ‘o stesso

cu ‘e facce appese

‘e chi va e vene

c’ancora te vò bbene,

comme dice,

e tu quase felice

quanno se ne vanno

cu ‘e panne spuorche

ca te lavarranno

pe te fa sta pulito.

Ma ‘e muorze sapurite

nun so’ chiste

si quanno l’ha viste

t''e vuò scurdà sultanto

ca si rituorne ‘a casa

p’’o llurdemo saluto

nun tene cchiù ‘mpurtanza

pure si avanza 

ancora no'mbra 'e bbene.

Gioacchino Ruocco

17.11.018   Ostia Lido

Inserita nella raccolta: Nu juorno comme a n'ato...