Comme si traseticcio

Comme si traseticcio!

Si ‘a carne 'a truove tosta

accattete 'o sasiccio.

‘O ppane se fa tuosto ?

Invece ‘e due panine

pecché n’accatte quatte ?

Se fanno sereticcio

ca manco ‘a jatta

s''e mangia dint’’o latte.

A me ‘e solde ‘e spiccio

me fanno venì ‘e nierve

e tu, tu cchiù ‘e cunsierve.

Te serveno p’’o riesto,

ma ‘o riesto a chi

ca passe a mmiez’’a via

comme a nu pataterno

ca nun guarde a nisciuno

manco pe jì all’inferno ?

Comme a nu cane 'e caccia

te cacce 'mmiez''e guaie

e 'e ccose ca tu saie

a che serveno a saperle ?

P''e metterte int''e chiocche

e raccuntarle a me ?

Che me ne mporta

'e tutte sti quisquiglie

I tengo tanta cose

oltre che penzà a te.

Gioacchino Ruocco

Ostia Lido              12/09/2015

Inserita nella raccolta "Tipi..."