I' si putesse,
me mangiarria Surriento.
E' tantu tiempo
ca nun ce vengo cchiù!
E me ne iesse 'o Capo
sbarianno appriesso 'o viento
comme na vela pazza
dint'a nu sentimiento
ca me fa scemo ancora,
appriesso a na guagliona
ca si me vene a mmente
me ne fa jì 'e capa.
Che vase ca lle devo
che gioie ca me dette,
ma po' fernenno 'a scola
fernette tutte cose.
Restaie comme a na rosa
dinto a stu core mio,
ca pe nu poco
campaje 'e nustalgia,
ma doppo s'addurmette
senza penzà cchiù a niente
ne a gioie e fallimente.
2015/09/25
Nessun commento:
Posta un commento