Mettenno in chiaro ‘e fatte

‘E cinche d’’a matina

turnanno a casa

me ne vaco via via

rumpenno ‘o cazzo

a chi me trovo ‘nnanze

comme si fosse

uno d’’a paranza.

Me voglio levà ‘o sfizio

c’’o male ‘e panza

ca me sta venenno

‘e m’arriffà qualcuno

ca penza ca sul’isso

po’ fa ‘o guappo

fino a ca ‘un ‘acchiappa

uno comme a me

capace ‘e le spiegà

pile pe pile come

comme è fatta ‘a storia

e mette in chiaro ‘e fatte

scassanno ddoje buatte

ncap’a uno.

‘E pescetielle,

pure chille cchiù gruosse,

si troveno n’uosso

sultanto ‘’a spuntecà

s’’e fotte l’arragimma

si spezzeno ‘e catene

nisciuno ‘e te ne cchiù.

Dimane, appena vene,

sarrà nu juorno nuovo.

Chi n’ha pavato ‘e pene

nomme nun ne tene

ca nun cunviene

’e crià n’atu santo

ca nun sta dint’’e chiese,

comme a tante

ca sulo nu gnurante

po’ crerere ca fanno

‘e vote qualche cosa.

‘E rose prufumeno

sti chiese, ‘e cere no,

‘e fanno nere nere.

Gioacchino Ruocco

13.01.017            Ostia Lido