Tu cuse e ‘nchime…

Tu cuse e ‘nchime, io parlo e taglio

e ‘o tiempo passa comme a na tenaglia

quanno sta ‘nchiuso na jurnata sana.

A forza ‘e ce guardà ormaie si sora.

Ogne penziero tuio è puro ‘o mio.

Io songo ‘o stampo tuio e tu si ‘o mio.

Te pigliasse p’’a mano e te purtasse fore,

ma lascia l’ago ca si pogne more

‘o core mio si resta pugnuto.

Fore è ancora vierno.

Chist’anno arriva tarde

‘o passo d’’e mallarde.

Ma io te guardo e spero

ca primma ‘e se fa sera

tu tuorno a essere sincera.

Si ‘o core tuoio spera

‘o mio ‘o corre appriesso,

e nun me pare overo

ca stammo a pazzià.

‘O sango dint’’e vene

te cose nu vestito

ca po’ tu scuse e cuse

comme po’ sfrunne ‘e rose

e ogne penziero tujo.

E ‘nterra so ‘ndrillande

ca lieve e miette ‘ncoppa

p’astregnere, allargà

quanno te l’ammesure,

‘o nun riesce a stà

tranquilla c’’o penziero

ca ce putesse stà

ca ‘un so’ cchiù furastiero

c’a varca sto a tirà.

Gioacchino Ruocco

01.03.017            Ostia Lido